نصائح عامة عن اللجوء في بلجيكا - أحد اللاجئين يروي تجربته الحيّة

بسم الله الرحمن الرحيم
السلام عليكم ورحمة الله وبركاتة
الى جميع الاخوة والاخواة العراقيين الشرفاء
سبق وان كتبت في هذه الصفحة وهذا الموقع الشريف حوال الاستفسار عن اللجوء
الى بلجيكا ولكن جميع الاخوة لم تكن لديهم معلومات بخصوص بلجيكا وبعد
الاتكال على الله سبحانة وتعالى توجهت الى بلجيكا وسلمت نفسي بها وتوفرت
لديه معلومات عن الوضع بالنسبة للعراقيين هنا ..وأنا اريد ان اقدمها لكم
عسى ان تفيدكم والله يشهد على ما ساكتبه..

اخواني من تجي هنا توصل الى منطقة هي مقابل المحطة الشمالية للمترو مال بروكسل
وتسلم نفسك بالكومسارية التي تفتح الساعة 8 صباحا ..يقومون بادخال الناس
الى ان ينتهي الجميع ويكون الوقت بحدود الساعة 9 بعدها لا يستقبلون اي احد
يؤجل التسليم الى اليوم الثاني تجي من وكت وتسلم نفسك.

عندما تدخل يبصموك وياخذولك اشعة مال الصدر وبعدين ياخذولك صورة ويسألون
انته عندك مستمسكات تثبت انته عراقي تنطيهم أوراقك ينطوك ورقة بيه اسمك
بالفلاماني مكتوبة يعني بالهولندي وبيها اسمك اسمها انكس وينطوك عنوان
السنتر اي الكامب الي راح تروح عليه مع بطاقة المترو او الترام توصل
للعنوان وتدخل بالسنتر وتبدي حياتك هناك..
المعاملة الحمدلله كلش زينه والاكل زين والطبيب موجود والدواء هذا كله مو مهم المهم الوضع الخاص بالاقامة ..

اخوان هنا ينطون اقامة للعراقيين اكيد بس عندك اوراق اصلية وتثبت انتة جاي
مباشرة من العراق الى بلجيكا يعني مو صارلك سنين طالع من العراق وجيت
البلجيكا بالنسبة للاخوة الاكراد ينطوهم ورقة حماية المدة سنة يعني ماكو
اعاده قسرية والله يشهد والباب مفتوح الى هاي اللحظة معدل استلام الاقامة
6اشهر اقامة لمدة خمس سنوات بعد سنتين تمشي بمعاملة الجنسية هنا هيجي
قانونهم وسلم على الجميع والله يوفق الكل واني جنت اتمنى بوكتها اسمع هيجي
اخبار كبل ما اجي لهنا وكلبي يحترك ولهذا من وصلت والحمد الله تذكرت نفسي
وكلت لازم اكتب بهذا الموقع الشريف حتى عسى ان يستفادوا بشيء..